||ભદ્રાચલ શ્રીરામ સ્તોત્રમ્॥

કૌસલ્યાસુત કુશિકાત્મજમખ રક્ષણદીક્ષિત રામ |
મામુદ્ધર શરણાગતરક્ષક રવિકુલદીપક રામ || 1 ||

દશરથનન્દન દિતિસુતખણ્ડન દીનજનાવન રામ |
પુરહરકાર્મુક વિદલનપણ્ડિત પુરુષોત્તમ રઘુરામ || 2 ||

ખરદૂષણમુખ દિતિસુતકાનન દાવાનલનિભ રામ |
શબરીગુહમુખ ભક્તવરાર્ચિત પાદામ્ભોરુહ રામ || 3 ||

વાલિપ્રમથન વાતાત્મજમુખ કપિવરસેવિત રામ |
વાસવવિધિમુખ સુરવરસંસ્તુત વારિજલોચન રામ || 4 ||

દશકન્ધરમુખ દાનવમર્દન રક્ષિતભુવન રામ |
સીતાનાયક શીઘ્રવરપ્રદ સર્વજગન્નુત રામ || 5 ||

ભર્મવિભૂષણ ભૂષિતવિગ્રહ ભાધીશાનન રામ |
ભક્તભારતી તીર્થસુસેવિત ભદ્રગિરીશ્વર રામ || 6 ||

કૌસલ્યાસુત કુશિકાત્મજમખ રક્ષણદીક્ષિત રામ |
મામુદ્ધર શરણાગતરક્ષક રવિકુલદીપક રામ || 1 ||

||ઇતિ ભદ્રાચલ શ્રીરામ સ્તોત્રમ્ સમાપ્તં॥