|| Om tat sat ||

||ಭದ್ರಾಚಲ ಶ್ರೀರಾಮ ಸ್ತೋತ್ರಮ್॥

ಕೌಸಲ್ಯಾಸುತ ಕುಶಿಕಾತ್ಮಜಮಖ ರಕ್ಷಣದೀಕ್ಷಿತ ರಾಮ |
ಮಾಮುದ್ಧರ ಶರಣಾಗತರಕ್ಷಕ ರವಿಕುಲದೀಪಕ ರಾಮ || 1 ||

ದಶರಥನನ್ದನ ದಿತಿಸುತಖಣ್ಡನ ದೀನಜನಾವನ ರಾಮ |
ಪುರಹರಕಾರ್ಮುಕ ವಿದಲನಪಣ್ಡಿತ ಪುರುಷೋತ್ತಮ ರಘುರಾಮ || 2 ||

ಖರದೂಷಣಮುಖ ದಿತಿಸುತಕಾನನ ದಾವಾನಲನಿಭ ರಾಮ |
ಶಬರೀಗುಹಮುಖ ಭಕ್ತವರಾರ್ಚಿತ ಪಾದಾಮ್ಭೋರುಹ ರಾಮ || 3 ||

ವಾಲಿಪ್ರಮಥನ ವಾತಾತ್ಮಜಮುಖ ಕಪಿವರಸೇವಿತ ರಾಮ |
ವಾಸವವಿಧಿಮುಖ ಸುರವರಸಂಸ್ತುತ ವಾರಿಜಲೋಚನ ರಾಮ || 4 ||

ದಶಕನ್ಧರಮುಖ ದಾನವಮರ್ದನ ರಕ್ಷಿತಭುವನ ರಾಮ |
ಸೀತಾನಾಯಕ ಶೀಘ್ರವರಪ್ರದ ಸರ್ವಜಗನ್ನುತ ರಾಮ || 5 ||

ಭರ್ಮವಿಭೂಷಣ ಭೂಷಿತವಿಗ್ರಹ ಭಾಧೀಶಾನನ ರಾಮ |
ಭಕ್ತಭಾರತೀ ತೀರ್ಥಸುಸೇವಿತ ಭದ್ರಗಿರೀಶ್ವರ ರಾಮ || 6 ||

ಕೌಸಲ್ಯಾಸುತ ಕುಶಿಕಾತ್ಮಜಮಖ ರಕ್ಷಣದೀಕ್ಷಿತ ರಾಮ |
ಮಾಮುದ್ಧರ ಶರಣಾಗತರಕ್ಷಕ ರವಿಕುಲದೀಪಕ ರಾಮ || 1 ||

||ಇತಿ ಭದ್ರಾಚಲ ಶ್ರೀರಾಮ ಸ್ತೋತ್ರಮ್ ಸಮಾಪ್ತಂ॥
|| Om tat sat ||