|| Om tat sat ||

śrī rāma paṁca ratna stōtraṁ
kaṁjātapatrāyata lōcanāya karṇāvataṁsōjjvala kuṁḍalāya
kāruṇyapātrāya suvaṁśajāya namōstu rāmāyasalakṣmaṇāya || 1 ||
vidyunnibhāṁbhōda suvigrahāya vidyādharaissaṁstuta sadguṇāya
vīrāvatāraya virōdhihartrē namōstu rāmāyasalakṣmaṇāya || 2 ||
saṁsakta divyāyudha kārmukāya samudra garvāpaharāyudhāya
sugrīvamitrāya surārihaṁtrē namōstu rāmāyasalakṣmaṇāya || 3 ||
pītāṁbarālaṁkr̥ta madhyakāya pitāmahēṁdrāmara vaṁditāya
pitrē svabhaktasya janasya mātrē namōstu rāmāyasalakṣmaṇāya || 4 ||
namō namastē khila pūjitāya namō namastēṁdunibhānanāya
namō namastē raghuvaṁśajāya namōstu rāmāyasalakṣmaṇāya || 5 ||
imāni paṁcaratnāni trisaṁdhyaṁ yaḥ paṭhēnnaraḥ
sarvapāpa vinirmuktaḥ sa yāti paramāṁ gatim ||6||
||iti śrīśaṁkarācārya viracita śrīrāmapaṁcaratnaṁ saṁpūrṇaṁ||

|| Om tat sat ||