|| Om tat sat ||

શ્રી રામ પંચ રત્ન સ્તોત્રં
કંજાતપત્રાયત લોચનાય કર્ણાવતંસોજ્જ્વલ કુંડલાય
કારુણ્યપાત્રાય સુવંશજાય નમોસ્તુ રામાયસલક્ષ્મણાય || 1 ||
વિદ્યુન્નિભાંભોદ સુવિગ્રહાય વિદ્યાધરૈસ્સંસ્તુત સદ્ગુણાય
વીરાવતારય વિરોધિહર્ત્રે નમોસ્તુ રામાયસલક્ષ્મણાય || 2 ||
સંસક્ત દિવ્યાયુધ કાર્મુકાય સમુદ્ર ગર્વાપહરાયુધાય
સુગ્રીવમિત્રાય સુરારિહંત્રે નમોસ્તુ રામાયસલક્ષ્મણાય || 3 ||
પીતાંબરાલંકૃત મધ્યકાય પિતામહેંદ્રામર વંદિતાય
પિત્રે સ્વભક્તસ્ય જનસ્ય માત્રે નમોસ્તુ રામાયસલક્ષ્મણાય || 4 ||
નમો નમસ્તે ખિલ પૂજિતાય નમો નમસ્તેંદુનિભાનનાય
નમો નમસ્તે રઘુવંશજાય નમોસ્તુ રામાયસલક્ષ્મણાય || 5 ||
ઇમાનિ પંચરત્નાનિ ત્રિસંધ્યં યઃ પઠેન્નરઃ
સર્વપાપ વિનિર્મુક્તઃ સ યાતિ પરમાં ગતિમ્ ||6||
||ઇતિ શ્રીશંકરાચાર્ય વિરચિત શ્રીરામપંચરત્નં સંપૂર્ણં||

|| Om tat sat ||